Convídovos a que vengáis a ver el mio conceyu y les coses perguapes qu`hai nél. El mio conceyu ye Ayer que ta n`Asturies y vais poder ver iglesies, fontes vieyes, muncha naturaleza y horros y paneres en tolos pueblos del conceyu.
Cómo llegar
Tengovos preparao una ruta d`un fin de selmana nesti maraviyosu conceyu. Pa llegar equí pues coyer l`alsa o el tren según lo que te guste más. Al pueblu que vais llegar ye Col.lanzo pero teneis que pasar primero per Morea, Cabanaquinta, L.levinco y Entrepenes y dempués ya llegaís a Col.lanzo, que tien munchos sitios que podeis visitar y tamién vais poder ver Santibanes de la Fuente onde ta`l texu y La Fuente onde puen facese unes cuantes caminates y Cuérgo onde vos podeis abellugar.
Abellugu .
Dempués de llegar a Col.lanzo podéis dir a quedavos nel hotel qu`hai nun pueblu que ta delláu de Col.lanzo que se l.lama Cuérgo. L`hotel que ta ellí l.lámase Ca'l Xabú, que tien una bona cocina y unos cuartos perguapos.
Xintar
En Col.lanzo podéis xintar unes cuantes coses típiques d´esti conceyu, por exemplo, frixuelos, casadiel.les, panchón y fabes col compangu, que ta too mui bueno y por si vos interesa la so preparación nun ye mui díficil.
Ruta que podeis facer
Dempués de xintar, pa baxar la comida, pue dise a caminar pelos pueblos que tan cerca de Col.lanzo, La Fuente y Santibanes de La Fuente, nestos pueblos pues ver un texu que ta delláu d`una iglesia que tan faciendo-y unos arreglinos. Pa llegar hasta ellí tenéis que dir a onde ta la iglesia de Col.lanzo , y delláu d`ella hai un camín que ye too cuesta p`arriba y per ellí llégase a los dos pueblos d`enantes. Dempués de ver la iglesia y el texu, tenéis que siguir subiendo pa llegar al siguiente pueblu que ye La Fuente onde al principiu del pueblu tien una capilla y una fonte. Cuando lleguéis ellí tenéis que dir más p`arriba y llegéis a un camín de formigón, tiráis per esi camín pa poder dir a ver un llugar perguapu llamáu El Pinganón per onde baxa un poconín d'agua onde te pues relaxar y dar un bañu. Pa llegar ellí tenéis que subir per onde`l camín de formigón y tirar p`arriba hasta llegar a un camín de tierra, dempués sigues caminando per esi camín y llegues a una cruz de caminos per onde tienes que tirar pa llegar a esi llugar, pel camín pues ver unos cuantos praos y dalguna vaca y caballos. Dempués de coyer esi esi camín, que sigue siendo de tierra, llegues a una sienda pequeña per onde hai muncha naturaleza pa mirar. Cuando fina esi camín, apaez una paré de roca mui grande per onde baxa un poco d`agua que ta perfría y en llegando ellí yá finasti esta ruta perguapa.
